Яңалыклар

РФ Спорт министры, 2015 елгы Су спорт төрләре буенча 16 нчы ФИНА дөнья чемпионатын әзерләү һәм уздыру буенча Оештыру комитеты рәисе Виталий Мутко эш сәфәре белән Казанга килде, ул монда 10 августка кадәр булачак.

Су спорт төрләре буенча 16 нчы ФИНА дөнья чемпионатының 15 нче көнендә 6 комплект медаль уйнатылачак. Йөзү ярышларын яратучылар бу кичне 200 метрлы дистанциягә иң тиз йөзүчеләрне беләчәкләр: аркада, брасс һәм ирекле стиль белән йөзү буенча, ә су полосын өстен күрүчеләргә хатын-кызлар арасында чемпион титулын яулаучы мәгълүм булачак.

Бүген медальләрнең биш комплекты уйнатылган “Казан Арена” бассейнында 2 держава – Кытай һәм АКШ триумфаторлар булдылар. Кытай су спорт төрләрендә өстенлек алырга маташа, әлегә исәп америкалылар белән ярышта тигез – 2:2.

Су спорт төрләре буенча 16 нчы ФИНА дөнья чемпионатының ундүртенче көнендә ике дисциплина: су полосы һәм йөзү буенча ярышлар узачак. Дөньяның иң яхшы йөзүчеләре арасында медальләрнең 5 комплекты уйнатылачак.

Бүгенге көн тарихка Су спорт төрләре буенча 16 нчы ФИНА дөнья чемпионаты кысаларында хай-дайвинг буенча соңгы ярышлар көне һәм ватерполочыларның медаль өчен ярышлары белән истәлекле булып кереп калачак. Йөзүгә килгәндә, ДЧ-2015 җанатарлары иң төп 3 исемне: Чех, Пити һәм Ледеки исемнәрен ятлап калырга тиешләр, чөнки бу исемнәр Чемпионат тарихына алтын хәрефләр белән язылды.

Илсур Метшин ФИНА паркына булган визиты кысаларында Су спорт төрләре буенча 16 нчы ФИНА дөнья чемпионаты волонтерлары белән очрашты. Ирекле ярдәмчеләр су мундиалендә башкарган хезмәтләреннән алган хис-кичерешләрен мэр белән уртаклаштылар һәм аны Россия җыелма командасына көч бирү акциясендә катнашырга чакырдылар – Чемпионат башкаласы башлыгы спортчыларга изге теләкләр язылган открыткага имза салды, бу открыткалар соңыннан җыелма команда штабына тапшырылачак.

“Мастерс” турниры – ул һәвәскәр спортчылар, шулай ук 25 яшьтән алып 100, хәтта аннан да өлкәнрәк яшькәчә булган олимпия чемпионнары ярышлары. Ярышлар рәсми спорт карьераларын төгәлләгән, әмма яраткан спорт төренә тугры калган спортчылар арасында үтә. Су спорт төрләре буенча 16 нчы “Мастерс” дөнья чемпионаты Казанда 2015 елның 5 нче августыннан 16 нчы августка кадәр узачак.

Су спорт төрләре буенча 16 нчы ФИНА дөнья чемпионатының унөченче көне төрле хорафатларга ышанучы җанатарларны куркытырга тиеш түгел. Бүген 2 спорт төрендә берьюлы 6 медаль комплекты уйнатылачак һәм 5 нче август, чынлыкта, кем өчендер уңышлы көн булачак.