Казандагы 2015 елгы Су спорт төрләре буенча 16 нчы ФИНА дөнья чемпионатының рәсми сайты
Су спорт төрләре буенча 16 нчы ФИНА дөнья чемпионаты 24 июль - 9 август 2015
:
:
Fina - FEDERATION INTERNATIONALE DENATATION

Кичә Мәскәүдә FINА икенче Бөтендөнья Конвенциясе ачылды

Large_news_3
31.10.2012, 11:53 Рәсми хроника
Россия Федерациясе Спорт министры Виталий Мутко үзенең чыгышында FINA гаиләсенә Россиядә FINA Конвенциясен кабул итү мөмкинлеге биргән өчен рәхмәт сүзләре җиткерде.

Министр алдагы елларда Россиягә 2013 елгы җәйге Универсиада, 2015 елгы Су спорт төрләре буенча дөнья чемпионаты, Сочидагы 2014 елгы кышкы Олимпия уеннары, 2018 елгы футбол буенча дөньячемпионаты кебек югары дәрәҗәдәге берничә спорт чарасы кабул итәргә туры килүен искәртеп үтте. Виталий Мутко Россия FINA ның ышанычлы партнеры булып калачагын һәм әлеге ярышларның барысын да уңышлы башкарып чыгасын ассызыклап үтте.

Big_1

Казан шәһәре мэры Ильсур Метшин Казан шәһәренең FINA ның XVI дөнья чемпионаты кабул итүче буларак потенциалы турында чыгыш ясады. Ул презентация вакытында Казанның 2015 елда шәһәр һәм спорт инфраструктурасы ничек үзгәрәчәге турында сөйләде. Алдан хәбәр ителгәнчә, яктырту буенча дөньяда дүртенче урында булган спорт чарасы Казанның дүрт объектында узачак. Суга сикерү һәм синхрон йөзү буенча ярышлар Су спорт төрләре сараенда узачак. Ир-атлар һәм хатын-кызлар арасында су полосы матчлары исә әлеге спорт төре өчен махсус вакытлыча корылмада уздырылачак.Ачык суда йөзү буенча ярышлар ишкәкле спорт төрләре үзәгендә узачак.

Big_2

FINA икенче бөтендөнья конвенциясе программасы кысаларында күргәзмә дә узачак, анда FINA спонсорлары һәм партнерлары, Чемпионат кабул итүче шәһәрләр йөзү бассейннары өчен җиһазлар тәкъдим итә алачак. Су спорт төрләре сарае турындагы «Казан 2015» стенды күргәзмәдә аеруча зур уңыш казанды. “Казан 2015” Оештыру комитеты вәкилләре FINA партнерлары һәм бүтән чемпионатлар оештыру комитетлары, рәсми затлар белән очрашулар оештырды.

Big_3

FINA икенче бөтендөнья конвенциясе кысаларында 2015 елгы Су спорт төрләре буенча дөнья чемпионаты презентациясе бүген булачак. Презентация белән “Казан 2015” Оештыру комитеты генераль директоры Владимир Леонов чыгыш ясаячак.

«Казань 2013» Башкарма дирекциясенең Медиа департаменты